唔少人工作上都要长期坐定定对住电脑，搞到个人又攰又容易颈紧膊痛，不过咁都未够灰，最灰系无论你瞓得著又好，瞓唔著都好，好多时你都好似成晚冇瞓过咁，完全消除唔到疲劳。如果你都有以上问题，又一路未搵到解决方法，不妨试试神经医院嘅院长所提供嘅「尾指包胶法」。
所谓「尾指包胶法」其实就系将类似撒隆巴斯之类带有清凉感觉嘅胶布，黐喺尾指第二个关节，据闻只要咁做，就可以瞓个好觉消除疲劳，跟手改善埋颈肩痠痛、头痛、耳鸣等等问题。点解要贴尾指呢个咁特别嘅部位呢？原来只要尾指肌肉僵硬，就会造成周围嘅交感神经紧张，亦令对应嘅内脏器官唔舒服，而尾指所牵涉嘅部位，就系颈部以上嘅地方，所以只要放鬆尾指肌肉，你颈部以上嘅部位自然成个鬆晒！